വീണ്ടും തെരുവ് നായ ആക്രമണം; ആറ്റിങ്ങലില്‍ എട്ട് പേര്‍ക്ക് കടിയേറ്റു

സംസ്ഥാനത്ത് തെരുവുനായ ആക്രമണം വ്യാപകമാകുന്നു. ആറ്റിങ്ങലില്‍ എട്ട് പേര്‍ക്ക് തെരുവ് നായയുടെ കടിയേറ്റു. തിങ്കളാഴ്ച്ച രാവിലെയോടെയാണ് സംഭവം. കഴിഞ്ഞ ദിവസം ഈ ഭാഗത്ത് തന്നെ തെരുവ് നായയുടെ ആക്രമണമുണ്ടായിരുന്നു. പരിക്കേറ്റവരെ ആശുപത്രിയില്‍ പ്രവേശിപ്പിച്ചിട്ടുണ്ട്. ഇതിൽ ഒരാളുടെ നില ഗുരുതരമാണ്.

70 വയസ്സുള്ള പ്രഭാവതിക്കാണ് ഗുരുതരമായി പരിക്കേറ്റത്. ഇവ‍രുടെ ചെവിയിലാണ് സാരമായ പരുക്ക് . തെരുവ് നായ ഉയര്‍ന്ന് ചാടി കടിച്ചതായാണ് വിവരം. പരുക്കേറ്റ പലര്‍ക്കും ചെവിയിലും മുഖത്തുമായിട്ടാണ് കടിയേറ്റിട്ടുള്ളത്. 60 ദിവസം പ്രായമായ കുട്ടിയുടെ അമ്മയ്ക്കും കടിയേറ്റിട്ടുണ്ട്