വാഹനത്തിന് സൈഡ് കൊടുത്തില്ല; യുവതിയെയും കുടുംബത്തെയും എസ് ഐ മര്‍ദിച്ചതായി പരാതി, പോലീസ് കേസെടുത്തു

പോലീസ് ഉദ്യോഗസ്ഥൻ യുവതിയെയും കുടുംബത്തെയും മർദിച്ചതായി പരാതി. കോഴിക്കോട് നടക്കാവ് സ്റ്റേഷനിലെ എസ് ഐ വിനോദിനെതിരെയാണ് അത്തോളി സ്വദേശിനി അഫ്ന അബ്ദുൽ നാഫിക് പരാതി നൽകിയത്. മൊഴിയുടെ അടിസ്ഥാനത്തിൽ കാക്കൂർ പോലീസ് കേസെടുത്തു.

ശനിയാഴ്ച അർധരാത്രി 12.30-ഓടെ കൊളത്തൂരിലായിരുന്നു സംഭവം. അഫ്നയും കുടുംബവും സഞ്ചരിച്ച കാർ എതിർദിശയിൽവന്ന വാഹനത്തിന് സൈഡ് നൽകാത്തതിനെച്ചൊല്ലി തർക്കമുണ്ടായിരുന്നു. ഈ തർക്കത്തിൽ ഇടപെട്ട എസ് ഐ വിനോദ് കുമാർ അഫ്നയെയും ഭർത്താവ് നാഫികിനെയും മർദിച്ചെന്നും എസ്ഐയുടെ ഒപ്പമുണ്ടായിരുന്നയാൾ അഫ്നയെ കടിച്ചെന്നുമാണ് പരാതി.