എൻഎച്ച് അൻവറിനെ അനുസ്മരിച്ചു
സിഒഎ മുന്‍ പ്രസിഡന്റും കെസിസിഎല്‍ ചെയര്‍മാനും ജനകീയ കേബിള്‍ ടിവി സംരംഭക പ്രസ്ഥാനത്തിന്റെ സാരഥിയുമായിരുന്ന എന്‍എച്ച് അന്‍വറിനെ അനുസ്മരിച്ചു. എറണാകുളം ദര്‍ബാര്‍ ഹാള്‍ ഹാളില്‍ നടന്ന ചടങ്ങില്‍ കേരള ഡിജിറ്റല്‍ സര്‍വകലാശാല വൈസ് ചാന്‍സലര്‍ ഡോ. സജി ഗോപിനാഥ്, സ്മാരകപ്രഭാഷണം നടത്തി.
കേബിള്‍ ടിവി രംഗത്തെ മാറ്റങ്ങള്‍ മുന്നില്‍ കണ്ട് കേരളത്തില്‍ അങ്ങോളം ഇങ്ങോളമുള്ള ഓപ്പറേറ്റര്‍മാരെ ഒരുമിച്ച് കൊണ്ടുപോവുകയും അവര്‍ക്ക് ആവശ്യമായ മാര്‍ഗ നിര്‍ദേശങ്ങള്‍ നല്‍കുകയും ചെയ്ത വ്യക്തിയാണ് എന്‍ എച്ച് അന്‍വറെന്ന് ഡോ. സജി ഗോപിനാഥ് ചൂണ്ടിക്കാട്ടി. എന്‍ എച്ച് അന്‍വറിന്റെ സംഭാവനകള്‍ എടുത്ത് പറയേണ്ടതാണ്. അദ്ദേഹത്തിന്റെ ദീര്‍ഘ വീക്ഷണവും സമര്‍പ്പണവും തന്നെ ആശ്ചര്യപ്പെടുത്തിയെന്നും സജി ഗോപിനാഥ് പറഞ്ഞു.
എന്‍എച്ച് അന്‍വര്‍ ട്രസ്റ്റിന്റെ സെക്രട്ടറിയും സിഒഎ ജനറല്‍ സെക്രട്ടറിയുമായ കെവി രാജന്‍ സ്വാഗതം പറഞ്ഞ ചടങ്ങില്‍ ട്രസ്റ്റ് ട്രഷററും സിഒഎ പ്രസിഡന്റുമായ എം. അബുബക്കര്‍ സിദ്ദിഖ് അധ്യക്ഷനായി. കേബിള്‍ സ്‌കാന്‍ ചീഫ് എഡിറ്റര്‍ എന്‍ ഇ ഹരികുമാര്‍, അന്‍വര്‍ ട്രസ്റ്റ് വൈസ് പ്രസിഡന്റ് വിജയകൃഷ്ണന്‍ കെ, സിഒഎ സംസ്ഥാന ട്രഷറര്‍ സിബി, യെലോ ക്ലൗഡ് ചെയര്‍മാന്‍ ശിവപ്രസാദ്, ടൈംസ് നെറ്റ് വര്‍ക്ക് സീനിയര്‍ വൈസ് പ്രസിഡന്റ് മുസ്തഫ, എന്നിവര്‍ പങ്കെടുത്തു.
