പത്തനംതിട്ട നഗരത്തില്‍ വൻ തീപിടുത്തം; അഞ്ച് കടകളിലേക്ക് തീ പടർന്നു, ഗ്യാസ് സിലിണ്ടർ പൊട്ടിത്തെറിച്ചു

പത്തനംതിട്ട നഗരത്തില്‍ വൻ തീപിടുത്തം. നഗരമധ്യത്തിൽ ഗാന്ധി സ്ക്വയറിനോട് ചേർന്നുള്ള നമ്പർ വൺ ചിപ്സ് കടയിലാണ് തീപിടുത്തമുണ്ടായത്. ഉച്ചയ്ക്ക് 1.45 ഓടെയായിരുന്നു അപകടം. ഫയർ ഫോഴ്സ് എത്തി കടയിലെ തീ അണയ്ക്കാൻ ശ്രമിക്കുന്നതിനിടെ സമീപത്തുള്ള ബേക്കറി, ചെരുപ്പ് കട, മൊബൈൽ ഷോപ്പ് എന്നിവിടങ്ങളിലേക്ക് തീ പടരുകയായിരുന്നു.

തീണ അണയ്ക്കുന്നതിനിടെ ചിപ്സ് കടയിലെ ഗ്യാസ് കുറ്റികള്‍ പൊട്ടിത്തെറിച്ചു. ഫയർ ഫോഴ്സ് ഉദ്യോഗസ്ഥരടക്കം സമീപത്ത് നിന്നവർ തലനാരിഴയ്ക്കാണ് രക്ഷപ്പെട്ടത്. അഞ്ചുപേര്‍ക്ക് പൊള്ളലേറ്റു.

തീപിടുത്തത്തെ തുടര്‍ന്ന് നഗരത്തില്‍ ഗതാഗത നിയന്ത്രണമേര്‍പ്പെടുത്തി.