KERALA
മദ്യക്കുപ്പിയില്‍ സ്വര്‍ണക്കടത്ത്; നെടുമ്പാശേരി വിമാനത്താവളത്തില്‍ പിടികൂടിയത് 73 പവന്‍
ഏകദേശം 23 ലക്ഷം രൂപ വില വരുന്നതാണ് പിടിച്ചെടുത്ത സ്വര്‍ണം
നെടുമ്പാശേരിയില്‍ സ്വര്‍ണം കടത്താന്‍ ശ്രമിച്ചത് ജോണിവാക്കര്‍ ബ്ലാക് ലേബല്‍ മദ്യക്കുപ്പിയില്‍. ദുബായില്‍ നിന്നെത്തിയ യാത്രക്കാരനില്‍ നിന്നാണ് 73 പവന്‍ സ്വര്‍ണം കസ്റ്റംസ് പിടിച്ചെടുത്തത്. പിടിച്ചെടുത്ത സ്വര്‍ണം ഏകദേശം 23 ലക്ഷം രൂപ വില വരുന്നതാണ്.
സ്വര്‍ണം പേസ്റ്റ് രൂപത്തിലാക്കി ഒളിപ്പിച്ച് കടത്താനായിരുന്നു ശ്രമം. പാക്കറ്റ് തുറക്കുമ്പോള്‍ മദ്യക്കുപ്പി മാത്രമാണെന്ന് തോന്നുന്ന വിധം ടേപ്പ് ഉപയോഗിച്ച് പൊതിഞ്ഞായിരുന്നു പേസ്റ്റ് രൂപത്തിലുള്ള സ്വര്‍ണം സൂക്ഷിച്ചിരുന്നത്.
ഏതാനും മാസങ്ങളായി വിവിധ രൂപങ്ങളില്‍ സ്വര്‍ണം കടത്തുന്നത് ശക്തമായതോടെ കസ്റ്റംസ് വിമാനത്താവളങ്ങളില്‍ നിരീക്ഷണം ശക്തമാക്കിയിരുന്നു.
