മലവെള്ളപ്പാച്ചില്‍; മാർമല സന്ദർശിക്കാനെത്തിയ അഞ്ചംഗസംഘം അരുവിയിലെ പാറയില്‍ കുടുങ്ങി; രക്ഷാപ്രവർത്തനം പുരോഗമിക്കുന്നു

കോട്ടയം ഈരാറ്റുപേട്ടയില്‍ തീക്കോയി മാർമല സന്ദർശിക്കാനെത്തിയ സംഘം അരുവിയിൽ കുടുങ്ങി. വൈക്കത്ത് നിന്നെത്തിയ അഞ്ചംഗ സംഘം ഒരു പാറയുടെ മുകളിൽ കുടുങ്ങിയതായാണ് വിവരം. കനത്ത മഴയെ തുടർന്നുണ്ടായ മലവെള്ളപാച്ചിലാണ് കാരണം.

ഈരാറ്റുപേട്ട ഫയർ ഫോഴ്സ് സംഭവസ്ഥലത്തെത്തിയിട്ടുണ്ട്. രക്ഷാപ്രവർത്തനം പുരോഗമിക്കുകയാണ്. ഇവരില്‍ രണ്ട് പേരെ കരയ്ക്ക് എത്തിച്ചു. മൂന്ന് പേര്‍ക്കായി രക്ഷാ പ്രവര്‍ത്തനം പുരോഗമിക്കുകയാണ്.

കഴിഞ്ഞ ദിവസം സ്ഥലം സന്ദർശനത്തിനെത്തിയ ഒരാൾ അപകടത്തിൽപ്പെട്ട് മരിച്ചിരുന്നു. അരുവിയിൽ ഒഴുക്കിൽപെട്ടും നിരവധിപേർ മരിച്ചിട്ടുണ്ട്.