കരിപ്പൂർ വിമാനത്താവളത്തിൽ കസ്റ്റംസിന്റെ വൻ സ്വർണവേട്ട. രാവിലെ ജിദ്ദയിൽനിന്ന് ബഹ്റൈൻ വഴി ഗൾഫ് എയർ വിമാനത്തിൽ കരിപ്പൂർ വിമാനത്താവളത്തിലെത്തിയ അൻവർ സാദിഖിൽ നിന്ന് 55 ലക്ഷം രൂപ വില മതിക്കുന്ന 1,061 ഗ്രാം സ്വർണമാണ് കോഴിക്കോട് എയർ കസ്റ്റംസ് ഇന്റലിജൻസ് ഉദ്യോഗസ്ഥർ പിടികൂടിയത്.
സാദിഖ് തൻ്റെ മലദ്വാരത്തിലൊളിപ്പിച്ച നാലു ക്യാപ്സ്യൂളുകളിൽ നിന്നുമാണ് കസ്റ്റംസ് സ്വർണ മിശ്രിതം പിടികൂടിയത്. മലപ്പുറം മുത്തീരി സ്വദേശിയാണ് അൻവർ സാദിഖ്. ക്യാപ്സ്യൂളുകളിൽ നിന്നും സ്വർണം വേർതിരിച്ചെടുത്തശേഷം കസ്റ്റംസ് യാത്രക്കാരന്റെ അറസ്റ്റും മറ്റു തുടർനടപടികളും സ്വീകരിക്കുമെന്ന് അധികൃതർ വ്യക്തമാക്കി.
