ഗൗരിയമ്മ പുരസ്‌കാരം ചെഗുവരെയുടെ മകള്‍ക്ക് ; പുരസ്കാരം സമ്മാനിക്കുന്നതിലെ സന്തോഷം പങ്കുവച്ച് മുഖ്യമന്ത്രി

കെ ആര്‍ ഗൗരിയമ്മ ഫൗണ്ടേഷന്‌റെ പ്രഥമ അന്താരാഷ്ട്ര പുരസ്‌കാരം ക്യൂബന്‍ മനുഷ്യാവകാശ പ്രവര്‍ത്തകയും ചെഗുവരെയുടെ മകളുമായ ഡോ. അലീഡ ഗുവെരയ്ക്ക് സമ്മാനിച്ചു. തിരുവനന്തപുരത്ത് നടന്ന ചടങ്ങില്‍ മുഖ്യമന്ത്രിയാണ് പുരസ്‌കാരം സമ്മാനിച്ചത്.കേരളത്തിന്റെ വിപ്ലവ ഇതിഹാസമായ ഗൗരിയമ്മയുടെ പേരിലുള്ള പുരസ്കാരം ചെഗുവരെയുടെ മകൾക്ക് സമ്മാനിക്കാനായതിൽ സന്തോഷമുണ്ടെന്ന് മുഖ്യമന്ത്രി പറഞ്ഞു . ഗൗരിയമ്മയെ കാണാനും സംസാരിക്കാനും ആഗ്രഹിച്ചിരുന്നതായും പുരസ്കാരം കൂടുതൽ ഉത്തരവാദിത്തമുള്ള വ്യക്തിയാക്കി മാറ്റുന്നുണ്ടെന്നും ഡോ. അലീഡയും പറഞ്ഞു