KERALA
അരിക്കൊമ്പനെ പൂട്ടാൻ പോകുന്ന കുങ്കി ആനകളുടെ വിശേഷങ്ങൾ...
ഒരു മാസം മൂന്നാറിലുണ്ടായിരുന്ന കുങ്കി ആനകള്‍ അടുത്ത ദിവസം അരിക്കൊമ്പന്‍ ദൗത്യം പൂര്‍ത്തിയാക്കി മുത്തങ്ങയിലേക്ക് മടങ്ങും
മഴ നനഞ്ഞ്..
കാട്ടിലൂടെ നടന്ന്..
സഞ്ചാരികളെ കയ്യിലെടുത്ത്..
ആനയിറങ്കല്‍ പുഴയില്‍ കുളിച്ച്..
കോന്നി സുരേന്ദ്രനും വിക്രമും കുഞ്ചുവും സൂര്യനും ചിന്നക്കനാലില്‍ അടിച്ചുപൊളിക്കുകയാണ്. ഒരു മാസം മൂന്നാറിന്റെ പ്രകൃതിയില്‍ താമസിച്ച കുങ്കി ആനകള്‍ അടുത്ത ദിവസം അരിക്കൊമ്പന്‍ ദൗത്യം പൂര്‍ത്തിയാക്കി മുത്തങ്ങയിലേക്ക് മടങ്ങും.
പതിവായൊരു നടത്തമുണ്ട് വിക്രമിനും കോന്നി സുരേന്ദ്രനും. കാട്ടിലെ പോലീസ്, കാടിന് നടുവിലൂടെ ഏലത്തോട്ടം കണ്ടങ്ങനെ ഗമയോടെ നടക്കും. നടന്ന് നടന്ന് ആനയിറങ്കല്‍ പുഴ എത്തുമ്പോള്‍ അങ്ങോട്ടേക്ക് ഒരു വലിവാണ്. പാപ്പാന്മാര്‍ തലയാട്ടുമ്പോള്‍ തുള്ളിച്ചാടി വെള്ളത്തിലിറങ്ങും.
വിക്രവും സുരേന്ദ്രനും തിരിച്ചെത്തുമ്പോഴേക്കും നടക്കാന്‍ പോകാന്‍ തയ്യാറായി നില്‍ക്കുകയാണ് സൂര്യനും, കുഞ്ചുവും. അവരെ കാണാന്‍ ഇഷ്ടം പോലെ ആളുകള്‍ വന്നുനില്‍ക്കും.
