മന്ത്രി വി ശിവൻകുട്ടി
മന്ത്രി വി ശിവൻകുട്ടി

വിഴിഞ്ഞം സമരസമിതി കലാപത്തിന് കോപ്പുകൂട്ടുന്നു: ആരോപണം ആവര്‍ത്തിച്ച് മന്ത്രി വി ശിവന്‍കുട്ടി

പോലീസിന് നേരെ നിരവധി അക്രമങ്ങളാണ് സമരക്കാര്‍ നടത്തുന്നതെന്ന് വി ശിവന്‍കുട്ടി
Updated on
1 min read

വിഴിഞ്ഞം സമരസമിതി കലാപത്തിന് കോപ്പ് കൂട്ടുകയാണെന്ന് ആവര്‍ത്തിച്ച് മന്ത്രി വി ശിവന്‍കുട്ടി. പോലീസിന് നേരെ നിരവധി അക്രമ പ്രവര്‍ത്തനങ്ങളാണ് സമരക്കാര്‍ നടത്തുന്നത്. വള്ളവും വലയും കത്തിച്ച് പ്രദേശത്ത് ഭീതിയുണ്ടാക്കുകയാണെന്നും മന്ത്രി ആരോപിച്ചു.

ചികിത്സയില്‍ കഴിയുന്ന മുന്‍ ആര്‍ച്ച് ബിഷപ്പ് ഡോ.സൂസപാക്യത്തെ സമരത്തിലേക്ക് വലിച്ചിഴക്കാന്‍ ശ്രമിക്കുന്നത് അപായകരമായ നീക്കമാണ്. ഡോ.സൂസപാക്യത്തിന്റെ ആരോഗ്യ നിലയ്ക്ക് ഏതെങ്കിലും തരത്തിലുള്ള ബുദ്ധിമുട്ടുണ്ടായാല്‍ അതിന്റെ പൂര്‍ണ ഉത്തരവാദിത്വം സമരസമിതിക്കാണെന്നും മന്ത്രി ചൂണ്ടിക്കാട്ടി.

പോലീസുകാര്‍ ഭൂമിയോളം താഴ്ന്നുവെന്നും കലാപമുണ്ടാക്കാനുള്ള ശ്രമമാണ് വിഴിഞ്ഞത്ത് നടക്കുന്നതെന്നും വി ശിവന്‍കുട്ടി നേരത്തെ വിമര്‍ശം ഉന്നയിച്ചിരുന്നു.

മന്ത്രി വി ശിവൻകുട്ടി
വിഴിഞ്ഞം സമരം ചർച്ചയിലൂടെ പരിഹരിക്കുമെന്ന് എം വി ഗോവിന്ദൻ; മുഖ്യമന്ത്രി ചർച്ചയ്ക്ക് തയ്യാറാകുന്നില്ലെന്ന് വി ഡി സതീശൻ
logo
The Fourth
www.thefourthnews.in