കാട്ടാക്കട കെഎസ്ആര്‍ടിസി ഡിപ്പോയിലെ മർദനം: സുരക്ഷ ജീവനക്കാരന്‍ അറസ്റ്റില്‍
കാട്ടാക്കട കെഎസ്ആര്‍ടിസി ഡിപ്പോയില്‍ അച്ഛനെയും മകളെയും മര്‍ദിച്ച കേസില്‍ ആദ്യ അറസ്റ്റ്. സുരക്ഷ ജീവനക്കാരന്‍ സുരേഷ് കുമാറിനെയാണ് പോലീസ് പിടികൂടിയത്. 4 പ്രതികളെ ഇനിയും പിടികൂടാനുണ്ട്.
കേസിലെ പ്രതികള്‍ സമർപ്പിച്ച മുന്‍കൂർ മുർകൂര്‍ ജാമ്യാപേക്ഷ കോടതി ഇന്ന് തള്ളിയിരുന്നു. ഇതിന് പിന്നാലെയാണ് പോലീസ് അറസ്റ്റിലേക്ക് കടന്നത്. കാട്ടാക്കട ഡി വൈ എസ് പിയുടെ നേതൃത്വത്തിലുള്ള ഷാഡോ സംഘം തിരിമലയില്‍ നിന്നും പ്രതിയെ പിടികൂടുകയായിരുന്നു. എ മുഹമ്മദ് ഷെറീഫ്, സി പി മിലന്‍, എന്‍ അനില്‍ കുമാർ, അജി കുമാർ എന്നിവരെയാണ് ഇനി പിടികൂടാനുള്ളത്. പ്രതികളെ പിടികൂടാത്തതിന് പിന്നില്‍ രാഷ്ട്രീയ സ്വാധീനമാണെന്ന് ആരോപണം ഉയര്‍ന്നിരുന്നു.
നിസാര വകുപ്പുകള്‍ ചുമത്തിയാണ് പോലീസ് ആദ്യം കേസെടുത്തിരുന്നത്. തന്നെയും മര്‍ദിച്ചുവെന്ന് വിദ്യാർത്ഥിനിയും പരാതിപ്പെട്ടതോടെ സ്ത്രീത്വത്തെ അപമാനിച്ചതിന് കൂടി ചേർത്ത് പോലീസ് കേസെടുക്കുകയായിരുന്നു.
