ലോക ഭൗമദിനത്തില്‍ കടലോളം കരുതലുമായി ഒരു പറ്റം യുവാക്കള്‍

ലോക ഭൗമ ദിനത്തിന്റെ പ്രാധാന്യം ഉൾക്കൊണ്ടാണ് വളണ്ടിയർ ഓഫ് ഇന്ത്യ എന്ന സന്നദ്ധ സംഘടനയുടെ നേതൃത്വത്തിൽ ശംഖുമുഖം ബീച്ചും പരിസരവും ശുചീകരിച്ചത്. നൂറോളം പേർ ശുചീകരണ പ്രവർത്തനത്തിന്റെ ഭാഗമായി. ഗ്ലാസ്, പേപ്പർ, പ്ലാസ്റ്റിക്, എന്നിങ്ങനെ തരം തിരിച്ചാണ് ഇവർ മാലിന്യങ്ങൾ ശേഖരിച്ചത്. നഗരസഭയുടെ സഹകരണത്തോടെയാണ് ശുചീകരണ പ്രവർത്തനങ്ങള്‍ നടന്നത്. ഇത്തരമൊരു പ്രവർത്തനത്തിലൂടെ ആളുകൾക്ക് ബോധവത്കരണം നൽകുക എന്നാണ് തങ്ങൾ ലക്ഷ്യമിട്ടതെന്ന് സംഘാടകനായ അഖിൽ പറയുന്നു.