കോഴിക്കോട് വളയത്ത് ബോംബേറ് ; സ്ഫോടനം നടന്ന സ്ഥലത്ത് കുഴി രൂപപ്പെട്ടു

കോഴിക്കോട് വളയത്ത് ബോംബേറ്. വളയം ഒപി മുക്കിലെ ആളൊഴിഞ്ഞ ഇടവഴിയിലേക്കാണ് ബോംബേറ് ഉണ്ടായത്. സ്‌ഫോടനം നടന്ന സ്ഥലത്ത് കുഴി രൂപപ്പെട്ടു. ഇന്നലെ രാത്രി പതിനൊന്നോടെയാണ് സംഭവം.

വളയം പോലീസ് സ്ഥലത്ത് എത്തി പരിശോധന നടത്തി. ബോംബിന്റെ തീവ്രത പരിശോധിച്ചതാണോ എന്ന് സംശയിക്കുന്നതായി പോലീസ് പറഞ്ഞു. സംഭവസ്ഥലത്തുനിന്നും സ്റ്റീല്‍ ബോംബിന്റെ അവശിഷ്ടങ്ങളാണ് കണ്ടെത്തിയത്. ബോംബ് സ്‌ക്വാഡ് വിദഗ്ധര്‍ ഇന്ന് സ്ഥലത്ത് എത്തും.