ദ ഫോര്‍ത്ത് കോര്‍പറേറ്റ് ഓഫീസ് ഉദ്ഘാടനം ചെയ്തു
ഡിജിറ്റല്‍ പ്ലാറ്റ് ഫോമിലൂടെ മലയാളിക്ക് വേറിട്ട വാര്‍ത്താ അനുഭവം സമ്മാനിച്ച ദ ഫോര്‍ത്തിന്റെ കോര്‍പറേറ്റ് ഓഫീസ് തുറന്നു. തിരുവനന്തപുരം ചാക്കയിൽ ദേശീയപാതയോരത്താണ് വിപുലമായ സജ്ജീകരണങ്ങളോടെയുള്ള ഓഫീസ് പ്രവര്‍ത്തനമാരംഭിച്ചത്.
ഉടൻ സംപ്രേഷണം ആരംഭിക്കുന്ന ദ ഫോർത്ത് വാർത്താ ചാനലിന്റെ ന്യൂസ് ഡെസ്‌കും സ്റ്റുഡിയോയും ഉള്‍പ്പെടുന്ന കോര്‍പറേറ്റ് ഓഫീസിന്റെ ഉദ്ഘാടനം ദ ഫോര്‍ത്ത് മാനേജിങ് ഡയറക്ടര്‍ റിക്‌സണ്‍ ഉമ്മന്‍ വര്‍ഗീസ് നിര്‍വഹിച്ചു.
ഫാംഫെഡ് ചെയര്‍മാന്‍ രാജേഷ് ചന്ദ്രശേഖരന്‍ പിള്ള, എംഡി അഖിന്‍ ഫ്രാന്‍സിസ്, ഡയറക്ടര്‍മാരായ സിജോ എജെ, അഡ്വ. പിആര്‍ ബാനര്‍ജി, ദ ഫോര്‍ത്ത് ന്യൂസ് ഡയറക്ടര്‍ ശ്രീജന്‍ ബാലക്യഷ്ണന്‍, എക്സിക്യൂട്ടീവ് എഡിറ്റർമാരായ ജിമ്മി ജെയിംസ്, എൻകെ ഭൂപേഷ് (ഡിജിറ്റൽ), എന്നിവര്‍ സന്നിഹിതരായി.
ഡിജിറ്റല്‍ രംഗത്ത് ഒരു വര്‍ഷം കൊണ്ട് വായനക്കാർക്കിടയിൽ മുന്നേറ്റം കൈവരിച്ച ദ ഫോര്‍ത്ത് മുഴുവൻ സമയ വാർത്താ ചാനലായി ഉടന്‍ പ്രക്ഷകരിലേക്കെത്തുമെന്ന് ചെയര്‍മാന്‍ രാജേഷ് ചന്ദ്രശേഖരന്‍ പിള്ള പറഞ്ഞു.
വാര്‍ത്താചാനലുകളില്‍ ഇതുവരെ കാണാത്ത സാങ്കേതിക സംവിധാനങ്ങളുമായാണ് ദ ഫോര്‍ത്ത് സ്വീകരണ മുറികളിലേക്കെത്തുന്നത്. സംസ്ഥാനത്തുടനീളവും രാജ്യത്തെ മറ്റ് പ്രധാന നഗരങ്ങളിലും ബ്യൂറോകൾ സജ്ജമായിക്കഴിഞ്ഞു.
