പ്രിവിലേജിന് വേണ്ടി ഇട്ട പേരല്ല പിള്ള!
ഇൻസ്റ്റഗ്രാമില്‍ അക്കൗണ്ട് തുടങ്ങിയ 2009-2010 കാലത്ത് ഞാൻ വെറുമൊരു ഷെഫ് ആയിരുന്നു. അന്ന് അക്കൗണ്ടില്‍ ഇട്ട പേരാണ് ഷെഫ് പിള്ള എന്നത്. പാസ്പോ‍ർട്ടിലെ സുരേഷ് ശശിധരൻ പിള്ള എന്ന പേര് വ‍ർക്ക് പെ‍ർമിറ്റില്‍ വന്നപ്പോൾ പിള്ളയായി മാറിയതാണ്. പേരിന്റെ കാര്യത്തിലൊക്കെ വിവാദം വന്നപ്പോൾ വല്ലാതെ നിരാശ തോന്നിയിട്ടുണ്ട്.
സോഷ്യൽ മീഡിയയിലെ ഹൈപ്പ് ഒക്കെ ക്ഷണികമാണെന്ന തിരിച്ചറിവുണ്ട്. ഈ ഫോളോവേഴ്സിനെയൊക്കെ നഷ്ടപ്പെടാൻ നിമിഷനേരം മതിയെന്നും അറിയാം. വീഡിയോ ഒക്കെ കണ്ട് ഷെഫ് ആവണം എന്ന് പറയുന്ന കുഞ്ഞുങ്ങളെയും കൊണ്ട് രക്ഷിതാക്കൾ കാണാൻ വരുമ്പോൾ വലിയ സന്തോഷം തോന്നും.
നമ്മൾ മാത്രമല്ല, കൂടെയുള്ളവരും വളരണം എന്നതാണ് ആഗ്രഹം. സോഷ്യൽ മീഡിയയിൽ താരങ്ങളായി മാറിയ സുരേഷിനെയും രൂപേഷിനെയും പോലെ ഇനിയുമുണ്ട് പണ്ട് കൂടെ ജോലി ചെയ്തിരുന്നവ‍ര്‍. അതൊരു ഔദാര്യമല്ല, അവരുടെ മിടുക്ക് കൊണ്ടാണ് അവരെ കൂടെ ജോലി ചെയ്യാൻ ക്ഷണിക്കുന്നത്. സുരേഷ് എസ്. ഷെഫ് പിള്ളയായി മാറിയ കഥ തുടരുന്നു ബാക്ക് സ്റ്റോറിയിൽ
