സ്കൂൾ കലോത്സവം: ഒന്നാം സ്ഥാനത്ത് കണ്ണൂർ തന്നെ, ആതിഥേയര്‍ തൊട്ടുപിന്നില്‍

സംസ്ഥാന സ്കൂൾ കലോത്സവത്തിൽ കണ്ണൂര്‍ കുതിപ്പ് തുടരുന്നു. 119 ഇനങ്ങൾ പൂർത്തിയായപ്പോൾ 448 പോയിന്റുമായി കണ്ണൂർ ഒന്നാം സ്ഥാനത്ത് തുടരുകയാണ്. ആതിഥേയരായ കോഴിക്കോട് 443 പോയിൻ്റുമായി രണ്ടാം സ്ഥാനത്താണ്. മുൻ വർഷത്തെ ചാമ്പ്യൻന്മാരായ പാലക്കാട് 442 പോയിൻ്റുമായി മൂന്നാം സ്ഥാനത്തുണ്ട്.

രണ്ടാം ദിവസവും സ്കൂൾ പട്ടികയിൽ തിരുവനന്തപുരം വഴുതക്കാട് കാർമ്മൽ ഗേൾസ് സ്കൂളാണ് ഒന്നാമത്. കണ്ണൂർ സെൻ്റ് തെരേസാസ് സ്കൂളാണ് രണ്ടാം സ്ഥാനത്ത്. ഹൈസ്കൂൾ ജനറൽ വിഭാഗത്തിൽ 96 ൽ 48 മത്സരങ്ങള്‍ പൂർത്തിയായി. ഹയർ സെക്കന്‍ഡറി വിഭാഗത്തിൽ 109 മത്സരങ്ങളുള്ളതിൽ 49 എണ്ണം പൂർത്തിയായി.19 വീതം മത്സരങ്ങളുള്ള അറബിക് കലോത്സവം സംസ്കൃതോത്സവം എന്നിവയിൽ യഥാക്രമം 11 ഉം ഒമ്പതും മത്സരങ്ങൾ പൂർത്തിയായി.