അംലയെയും കോഹ്ലിയെയും മറികടന്ന് ബാബര്‍
ഹാഷിം അംലയെയും വിരാട് കോഹ്ലിയെയും മറികടന്ന് അപൂര്‍വ റെക്കോഡ് നേടി ബാബര്‍ അസം. ഏകദിന ക്രിക്കറ്റില്‍ ഏറ്റവും വേഗം 19 സെഞ്ചുറികള്‍ പൂര്‍ത്തിയാക്കുന്ന താരമെന്ന റെക്കോഡാണ് ബാബര്‍ സ്വന്തമാക്കിയത്. 102-ാം ഇന്നിങ്‌സിലാണ് ബാബര്‍ തന്റെ 19-ാം സെഞ്ചുറി പൂര്‍ത്തിയാക്കിയത്. ഇതോടെ 104 ഇന്നിങ്‌സില്‍ നിന്ന് ഈ നേട്ടം സ്വന്തമാക്കിയ ദക്ഷിണാഫ്രിക്കന്‍ താരം ഹാഷിം അംലയുടെ റെക്കോഡാണ് മറികടന്നത്.
കോഹ്‌ലി 124-ാം ഇന്നിംഗ്‌സിലും വാർണർ 139-ാം ഇന്നിംഗ്‌സിലും ഡിവില്ലിയേഴ്‌സ് 171-ാം ഇന്നിംഗ്‌സിലും 19 സെഞ്ചുറികൾ എന്ന നേട്ടം കൈവരിച്ചു. ഇതോടെ 50 ഓവർ ഫോർമാറ്റിൽ ഏറ്റവും വേഗത്തിൽ 19 സെഞ്ചുറികൾ നേടുന്ന താരമെന്ന റെക്കോർഡും ഇനി ബാബറിന് സ്വന്തം.
മത്സരത്തില്‍ 131 പന്തുകളില്‍ നിന്ന് 14 ബൗണ്ടറികളും നാലു സിക്‌സറുകളും സഹിതം 151 റണ്‍സാണ് ബാബര്‍ നേടിയത്. ഇരുവരും ചേര്‍ന്ന് അഞ്ചാം വിക്കറ്റില്‍ കൂട്ടിച്ചേര്‍ത്ത 214 റണ്‍സിന്റെ മികവില്‍ നിശ്ചിത 50 ഓവറില്‍ ആറു വിക്കറ്റ് നഷ്ടത്തില്‍ 346 റണ്‍സാണ് പാകിസ്താന് നേടിയത്.
