അണ്ടർ 20 ലോകകപ്പ്; നിരാശയോടെ ഫ്രാൻസ് മടങ്ങി; ഗ്രൂപ്പിൽ ഒന്നാം സ്ഥാനമുറപ്പിച്ച് ഇംഗ്ലണ്ട്
അണ്ടർ 20 ലോകകപ്പിൽ നിന്ന് ഫ്രാൻസ് പുറത്ത്. ഹോണ്ടുറാസിനെതിരെയുള്ള മത്സരത്തിൽ മൂന്ന് ഗോൾ നേടി ജയിച്ചുവെങ്കിലും ഫ്രാൻസിന് നിരാശയോടെ കളിക്കളം വിടേണ്ടി വന്നു. ഗ്രൂപ്പ് എഫിലെ ആദ്യ രണ്ട് മത്സരങ്ങളിലും ഫ്രാൻസ് പരാജയപ്പെട്ടിരുന്നു. ഇതോടെ ഗാംബിയയും ദക്ഷിണ കൊറിയയും നോക്കൗട്ടിലേക്ക് മുന്നേറി.
ഇക്കഴിഞ്ഞ ഞായറാഴ്ച ലാ പ്ലാറ്റയിൽ നടന്ന മത്സരത്തിൽ ഫ്രാൻസ് ആരാധകർക്ക് സമ്മാനിച്ചത് കടുത്ത നിരാശയായിരുന്നു. ടുണീഷ്യയെ മറികടന്നു പ്രീക്വാര്‍ട്ടറിലേക്കു മുന്നേറാന്‍ അവര്‍ക്ക് ഹോണ്ടുറാസുയുമായുള്ള മത്സരത്തില്‍ നാലു ഗോള്‍ നേടിയാല്‍ മതിയായിരുന്നു. എന്നാല്‍ മൂന്നു ഗോള്‍ മാത്രമേ സ്‌കോര്‍ ചെയ്യാന്‍ കഴഞ്ഞുള്ളു. 13-ാം മിനിറ്റിൽ ഫ്രാൻസിന്റെ ഔസ്മാൻ കാമറ ചുവപ്പ് കാര്‍ഡ് കണ്ടത് അവര്‍ക്കു തിരിച്ചടിയായി. ഫ്രാൻസിന്റെ ഫൗൾ ലാക്കാക്കിയ ഹോണ്ടുറസിന്റെ ഒഡിൻ റാമോസ് പതിനഞ്ചാം മിനിറ്റിൽ ഫ്രീ കിക്കിലൂടെ ഒരു ഗോൾ നേടി. എന്നാൽ സ്റ്റാർലെറ്റ് അലൻ വിർജീനിയസ് ഫ്രഞ്ച് ആരധകരെ കൈവിട്ടില്ല. കളിയുടെ 41-ാം മിനിറ്റിലും 60-ാം മിനിറ്റിലും ഫ്രാൻസിനായി രണ്ടുഗോളുകൾ സ്റ്റാർലെറ്റ് നേടി.
അതേസമയം ഗാംബിയയും ദക്ഷിണ കൊറിയയും തമ്മിലുള്ള ഗ്രൂപ്പ് മത്സരത്തിൽ ഇരു ടീമുകളും ഗോളുകൾ നേടാനാകാതെ സമനിലയിൽ പിരിഞ്ഞു.അടുത്ത മത്സരത്തിൽ ഗാംബിയ ഉറുഗ്വേയെയും, സൗത്ത് കൊറിയ ഏഷ്യൻ ടീമായ ഇക്വഡോറിനെയും നേരിടാനുള്ള ഒരുക്കത്തിലാണ്. ഇതിനിടെ ഇറാഖിനെതിരെ 0-0ന് സമനില വഴങ്ങിയ ഇംഗ്ലണ്ട് ഗ്രൂപ്പ് ഇയിൽ ഒന്നാം സ്ഥാനത്ത് ഇടംപിടിച്ചു. ഇഞ്ചുറി ടൈം ഗോളിൽ ടുണീഷ്യയെ 1-0ന് തോൽപ്പിച്ച് ഉറുഗ്വായ് ആണ് രണ്ടാം സ്ഥാനത്ത്. ഫ്രാൻസ് കളിയിൽ നിന്നും പുറത്തായതോടെ ടുണീഷ്യ അടുത്ത റൗണ്ടിൽ ബ്രസീലിനെ നേരിടും.ബുധനാഴ്ച നടക്കുന്ന പതിനാറാം റൗണ്ട് മത്സരത്തിൽ ഇംഗ്ലണ്ട് ഇറ്റലിക്കെതിരെ പോരാടും.
