വാക്സിനെടുത്തില്ല; യുഎസ് ഓപ്പണിനും ജോക്കോവിച്ച് ഇല്ല

ഓസ്ട്രേലിയന്‍ ഓപ്പണിന് സമാനമായി ഈ വർഷം നടക്കുന്ന യുഎസ് ഓപ്പണ്‍ ടെന്നീസ് ടൂര്‍ണമെന്റിനും സെര്‍ബിയന്‍ താരം നൊവാക് ജോക്കോവിച്ച് ഇല്ല. കോവിഡ് വാക്‌സിൻ എടുക്കാത്തതിനാൽ അമേരിക്കയിലേക്ക് പ്രവേശിക്കാൻ അനുമതി ഇല്ലാത്തതിനാലാണ് താരത്തിന്റെ പിന്മാറ്റം. ട്വിറ്ററിലൂടെ താരം തന്നെയാണ് ഇക്കാര്യം അറിയിച്ചത്.

പുതിയ നിയമം അനുസരിച്ച് വാക്‌സിൻ സ്വീകരിച്ചതിന്റെ രേഖകൾ സമർപ്പിച്ചാല്‍ മാത്രമേ, അമേരിക്കയിലേക്ക് പ്രവേശിക്കാനാവൂ.

ഓസ്‌ട്രേലിയൻ ഓപ്പണിലും സമാന കാരണത്താൽ താരത്തിന് കളിക്കാൻ കഴിഞ്ഞിരുന്നില്ല. ഇരുപത്തിയൊന്ന് ഗ്രാൻഡ്സ്ലാമുകൾ സ്വന്തമാക്കിയ താരമാണ് ജോക്കോവിച്ച്. ജൂലൈയിൽ നടന്ന വിംബിൾഡണിലായിരുന്നു അവസാന കിരീടനേട്ടം.