SPORT
വയനാടിന്റെ മിന്നു മണി ഇനി ഇന്ത്യന്‍ ജഴ്‌സിയില്‍
കേരളത്തിന് അഭിമാനമായി വയനാട് മാനന്തവാടി സ്വദേശിനി മിന്നു മണി ഇന്ത്യന്‍ വനിതാ ക്രിക്കറ്റ് ടീമില്‍
കേരളത്തില്‍നിന്ന് ഇന്ത്യന്‍ സീനിയര്‍ ടീമിലെത്തുന്ന ആദ്യ വനിതാ താരമാവുകയാണ് മിന്നു മണി. ഓള്‍ റൗണ്ടറായ മിന്നു ബംഗ്ലാദേശ് പര്യടനത്തിനുള്ള 18 അംഗ ട്വന്റി ട്വന്റി ടീമിലാണ് ഇടം നേടിയത്. ബംഗ്ലാദേശ് പര്യടനത്തില്‍ മൂന്ന് ട്വന്റി ട്വന്റി മത്സരങ്ങളാണുള്ളത്. പ്രഥമ വനിതാ പ്രീമിയര്‍ ലീഗില്‍ ഡല്‍ഹി ക്യാപ്പിറ്റല്‍സിന്റെ താരമായിരുന്നു മിന്നുമണി. ഐ പി എല്ലില്‍ കളിക്കുന്ന ആദ്യമലയാളി താരമായ മിന്നു ഇന്ത്യ എ ടീമിലും ഇടം നേടിയിരുന്നു. പതിനാറാം വയസ്സില്‍ കേരള ക്രിക്കറ്റ് ടീമിലെത്തിയ മിന്നു 10 വര്‍ഷമായി കേരള ടീമുകളില്‍ സ്ഥിരാംഗമാണ്.
