ബ്രിട്ടനിലും വെര്സ്റ്റാപ്പന് മാജിക്; സീസണിലെ ആറാം ജയം
ബ്രിട്ടീഷ് ഗ്രാന്റ്പ്രീയിലും വിജയം നേടി റെഡ് ബുളളിന്റെ ഡച്ച് ഡ്രൈവര്‍ മാക്‌സ് വെര്സ്റ്റാപ്പന്. ഇതുവരെ ബ്രിട്ടീഷ് ഗ്രാന്റ് പ്രീ ജയിക്കാനായിട്ടില്ലെന്ന പതിവ് തെറ്റിച്ചാണ് താരം ഇക്കുറി കിരീടം ചൂടിയത്. പോള്‍ പൊസിഷനില്‍ നിന്ന് മത്സരം തുടങ്ങിയ വെര്സ്റ്റാപ്പന് ഇടയ്ക്ക് മക്‌ലാരന്‍ താരം ലാന്റോ നോറിസിന്റെ വെല്ലുവിളി നേരിടേണ്ടി വന്നിരുന്നു.
എന്നാല്‍ പിന്നീട് മുന്‍തൂക്കം തിരിച്ചുപിടിച്ച വെര്സ്റ്റാപ്പന് അവസാന നിമിഷം വരെ ലീഡ് നിലനിര്‍ത്തി കിരീടം ചൂടുകയായിരുന്നു. ഇന്നത്തെ ജയത്തോടെ താരം ലോകചാമ്പ്യന്‍ഷിപ്പിലേക്ക് ഒരു പടി കൂടി അടുത്ത്.
നിലവില്‍ ലോക ചാമ്പ്യന്‍ഷിപ്പിനായുള്ള പോരാട്ടത്തില്‍ വെര്സ്റ്റാപ്പന് ഭീഷണി ഉയര്‍ത്താന്‍ ആരും തന്നെ സമീപത്തില്ല. ഇന്നു നടന്ന പോരാട്ടത്തില്‍ വെര്‍സ്റ്റാപ്പനു പിന്നില്‍ നോറിസ് രണ്ടാമത് എത്തിയപ്പോള്‍ മുന്‍ ലോക ചാമ്പ്യനും ബ്രിട്ടീഷ് താരവുമായ ലൂയിസ് ഹാമില്‍ട്ടണ് മൂന്നാം സ്ഥാനം കൊണ്ട് തൃപ്തിപ്പെടേണ്ടി വന്നു.
