സാര്‍സ് കോവ്2 വൈറസ് പ്രതിരോധശേഷിയെ തകര്‍ക്കുന്നതെങ്ങനെ? പഠനവുമായി ഗവേഷകര്‍
2019-ല്‍ ആദ്യ കോവിഡ് കേസ് റിപ്പോര്‍ട്ട് ചെയ്തതു മുതല്‍ രോഗത്തിനു കാരണമാകുന്ന സാര്‍സ് കോവ്2 വൈറസിന്‌റെ പിന്നാലെയാണ് ഗവേഷകര്‍. എന്നാല്‍ വൈറസുകളുടെ ജീവശാസ്ത്രത്തെക്കുറിച്ചുള്ള നിരവധി ചോദ്യങ്ങള്‍ക്ക് ഇതുവരെ ഉത്തരം കണ്ടെത്താന്‍ ഗവേഷകര്‍ക്ക് സാധിച്ചിട്ടില്ല.
സാര്‍സ്, മെര്‍സ് വൈറസുകളുടെ അതേ ശ്രേണിയിലുള്ളതാണ് ആര്‍എന്‍എ വിഭാഗത്തില്‍പ്പെട്ട സാര്‍സ് കോവ്2 വൈറസും. രോഗപ്രതിരോധശേഷിയെ കടന്ന് കയറാനുള്ള കഴിവാണ് ഇതിന്‌റ പ്രത്യേകത. വലിയ വേഗതയില്‍ പടരാനുള്ള കാരണവും ഇതുതന്നെയാണ്.
വൈറസിലെ ഏത് പ്രോട്ടീനുകളാണ് ഹോസ്റ്റിന്റെ പ്രതിരോധ സംവിധാനത്തെ തകര്‍ക്കുന്നത് എന്നതിനെക്കുറിച്ച് ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് സയന്‍സിലെ (IISc) ഗവേഷകര്‍ നടത്തിയ പഠനത്തില്‍ ORF6 എന്ന പ്രോട്ടീന്റെ സ്വാധീനം കണ്ടെത്തി. ഈ പ്രോട്ടീന്‍ എങ്ങനെ സെല്ലുലാര്‍ സഹജമായ പ്രതിരോധശേഷിയെ ഒന്നിലധികം സംവിധാനങ്ങളിലൂടെ തളര്‍ത്തുന്നു എന്നതിന്റെ വിശദാംശങ്ങളും ഗവേഷകര്‍ ശേഖരിച്ചു.
അണുബാധയുടെ സമയത്ത്, ശരീരത്തില്‍ നേരത്തേയുള്ള ആന്റിവൈറല്‍ പ്രതികരണങ്ങള്‍ ഇന്റര്‍ഫെറോണുകള്‍ (ഐഎഫ്എന്‍) രൂപീകരിക്കുകയും ഇത് വൈറസുകള്‍ക്ക് തടസം സൃഷ്ടിക്കുന്ന നിര്‍ദ്ദിഷ്ട സിഗ്‌നലിങ്ങിന് തകരാറുകളുണ്ടാക്കുകയും ചെയ്യുന്നു. തിരിച്ചറിഞ്ഞ പ്രോട്ടീനുകളില്‍, IFN ഇന്‍ഡക്ഷന്റെയും സിഗ്‌നലിങ്ങിന്റെയും പ്രവര്‍ത്തനങ്ങളെ മന്ദഗതിയിലാക്കുന്ന പ്രോട്ടീനായി ORF6 വര്‍ത്തിക്കുന്നു.
ORF6 ഫങ്ഷനെക്കുറിച്ചുള്ള മുന്‍ ഗവേഷണങ്ങളുമായി താരതമ്യം ചെയ്യുമ്പോള്‍ ഈ പഠനം ORF6 നേരിട്ട് RIG-I എന്ന ഒരു പ്രത്യേക ഹോസ്റ്റ് വൈറല്‍ സെന്‍സറുമായി നേരിട്ട് ബന്ധപ്പെടുന്നുണ്ട്. സാര്‍സ് കോവ്2ലെ ORF6 പ്രോട്ടീന്റെ സാന്നിധ്യം RIG-Iന്റെ അളവ് കുറയുന്നതിനും ഇത് സജീവമാക്കുന്നതിനും വൈറല്‍ അണുബാധ നിയന്ത്രിക്കുന്നതിനു നിര്‍ണായകമായ TRIM25 എന്ന എന്‍സൈമിന്റെ അപചയത്തിനും കാരണമാകുന്നു. തല്‍ഫലമായി RIG-Iനു താഴെയുള്ള ആന്റിവൈറല്‍ ജീനുകളുടെ പ്രകടനത്തെയും ORF6 തടസ്സപ്പെടുത്തുന്നു.
സാര്‍സ് കോവ്2 വൈറല്‍ ജീനോമില്‍ നിന്ന് ORF6-നും മറ്റ് എതിരാളികളായ IFN വേണ്ടിയുള്ള ജീനുകളിലെ കോഡിങ് നീക്കുന്നതിനുള്ള സാധ്യതയും തത്സമയ വാക്‌സിനുകള്‍ വികസിപ്പിക്കുന്നതിനുള്ള സാധ്യതയും ഗവേഷകര്‍ നിര്‍ദ്ദേശിച്ചു.
സെല്ലുലാര്‍ ആന്‍ഡ് മോളിക്യുലാര്‍ ലൈഫ് സയന്‍സസ് ജേണലില്‍ പ്രസിദ്ധീകരിച്ച പഠനം, ഐഐഎസ്സിയിലെ സെന്റര്‍ ഫോര്‍ ഇന്‍ഫെക്ഷ്യസ് ഡിസീസ് റിസര്‍ച്ചിലെ (സിഐഡിആര്‍) ഒയാഹിദ ഖാറ്റണ്‍, മാന്‍സി ശര്‍മ, രോഹന്‍ നാരായണ്‍, ശശാങ്ക് ത്രിപാഠി എന്നിവര്‍ ചേര്‍ന്നാണ് നടത്തിയത്.
