ഇന്ന് ലോക മൾട്ടിപ്പിൾ സ്ക്ലീറോസിസ് ദിനം; അറിഞ്ഞിരിക്കാം ഈ കാര്യങ്ങൾ

ഇന്ന് ലോക മൾട്ടിപ്പിൾ സ്ക്ലീറോസിസ് ദിനം. തലച്ചോറിനെയും സുഷുമ്നാ നാഡിയെയും ബാധിക്കുന്ന ഒരു രോഗാവസ്ഥയാണ് മൾട്ടിപ്പിൾ സ്ക്ലിറോസിസ് അഥവാ എംഎസ് (MS). എന്നാൽ കൃത്യ സമയത്ത് രോ​ഗം തിരിച്ചറിഞ്ഞ് ആവശ്യമായ ചികിത്സ നൽകിയാൽ പൂർണമായും ഭേദമാകുന്ന രോഗമാണ് മൾട്ടിപ്പിൾ സ്ക്ലീറോസിസ്.

രോ​ഗലക്ഷണങ്ങൾ എങ്ങനെ തിരിച്ചറിയാമെന്നും കൃത്യമായി ചികിത്സിക്കാമെന്നുമുള്ള കൂടുതൽ വിശദാംശങ്ങൾ ദ ഫോർത്തുമായി പങ്കുവയ്ക്കുകയാണ് ഡോ. എസ് ശ്യാംലാൽ. ലോകമെമ്പാടുമുള്ള 2.3 ദശലക്ഷത്തിലധികം ആളുകൾക്ക് മൾട്ടിപ്പിൾ സ്ക്ലീറോസിസ് ബാധിക്കുന്നുവെന്നാണ് മൾട്ടിപ്പിൾ സ്ക്ലിറോസിസ് ഇന്റർനാഷണൽ ഫെഡറേഷന്റെ കണക്കുകൾ വ്യക്തമാക്കുന്നത്. അസുഖത്തെക്കുറിച്ച് ആളുകളെ ബോധവാന്മാരാക്കുന്നതിനും ​രോ​ഗികൾക്കാവശ്യമായ പിന്തുണ നൽകുന്നതിനുമാണ് മെയ് 30 ലോക മൾട്ടിപ്പിൾ സ്ക്ലിറോസിസ് ദിനമായി ആചരിക്കുന്നത്.