ഭാര്യയേയും കുട്ടികളേയും കൊല്ലാന്‍ ശ്രമിച്ച കേസില്‍ ഇന്ത്യന്‍ വംശജന്‍ യുഎസില്‍ അറസ്റ്റില്‍
ഭാര്യയേയും കുട്ടികളേയും കൊല്ലാന്‍ ശ്രമിച്ച കേസില്‍ ഇന്ത്യന്‍ വംശജന്‍ അമേരിക്കയില്‍ അറസ്റ്റില്‍. ബാലപീഡനം, കൊലപാതക ശ്രമം എന്നീ കുറ്റങ്ങള്‍ ചുമത്തിയാണ് ഇന്ത്യന്‍ വംശജനായ ധര്‍മ്മേഷ് എ പട്ടേലിനെയാണ് അറസ്റ്റ് ചെയ്തിരിക്കുന്നത്. ഭാര്യയേയും രണ്ട് കുട്ടികളേയും കാറില്‍ ഇരുത്തി പാറക്കെട്ടിനുള്ളിലേയ്ക്ക് വണ്ടിയോടിച്ച് കയറ്റുകയായിരുന്നു. സാന്‍ മാറ്റിയോയിലെ ഡെവിള്‍സ് സ്ലൈഡെന്ന പറക്കെട്ടിനുള്ളിലേക്കാണ് വണ്ടിയോടിച്ച് കയറ്റിയത്. ഹെലികോപ്റ്റര്‍ ഉപയോഗിച്ചുള്ള രക്ഷാ പ്രവര്‍ത്തനത്തിലൂടെ നാലുപേരെയും സുരക്ഷാസേന രക്ഷപ്പെടുത്തി.
രക്ഷാപ്രവര്‍ത്തനം ദുഷ്കരമായിരുന്നെന്നാണ് സുരക്ഷാ ഉദ്യോഗസ്ഥര്‍ പറയുന്നത്. ഹൈവേയില്‍ നിന്ന് 250 മുതല്‍ 300 വരെ താഴ്ചയിലേയ്ക്കാണ് വാഹനം മറിഞ്ഞത്. തെളിവെടുപ്പിന്റെ അടിസ്ഥാനത്തില്‍ അപകടം കരുതിക്കൂട്ടി ചെയ്തതാണെന്നാണ് അന്വേഷണ ഉദ്യോഗസ്ഥര്‍ വ്യക്തമാക്കുന്നത്. ഇത്രയും അടി താഴ്ചയില്‍ കുത്തനെയുള്ള വീഴ്ച അതിജീവിക്കുന്നത് വളരെ അപൂര്‍വമാണെന്നും കാര്‍ സീറ്റുകളാവും കുട്ടികളുടെ ജീവന്‍ രക്ഷിച്ചിരിക്കുയെന്നും കാലിഫോര്‍ണിയ ഡിപ്പാര്‍ട്ട്മെന്റ് ഓഫ് ഫോറസ്ട്രി ആന്‍ഡ് ഫയര്‍ പ്രൊട്ടക്ഷനിലെ കമാന്‍ഡറായ ബ്രയാന്‍ പോട്ടന്‍ജര്‍ പറഞ്ഞു.
അപകടത്തില്‍പ്പെട്ട വാഹനത്തില്‍ എല്ലാവര്‍ക്കും ജീവന്‍ ഉണ്ടെന്നത് അമ്പരപ്പിച്ചുവെന്നും, ഏറെ പ്രതീക്ഷ നല്‍കിയെന്നും അന്വേഷണ ഉദ്യാഗസ്ഥന്‍ പറഞ്ഞു. കാലിഫോര്‍ണിയയിലെ പസാദേനയിലുള്ള ധര്‍മ്മേഷ് പട്ടേലിനെ ആശുപത്രി വിട്ടതിന് ശേഷം സാന്‍ മോറ്റിയോ ജയിലിലേക്ക് മാറ്റി. കുട്ടികള്‍ക്ക് കാര്യമായ പരിക്കുകള്‍ ഇല്ലെന്നും അന്വേഷണ ഉദ്യോഗസ്ഥന്‍ പറഞ്ഞു. പട്ടേലിനെതിരെ കൊലപാതക ശ്രമത്തിനും കുട്ടികളെ ദുരുപയോഗം ചെയ്തതിനും കുറ്റം ചുമത്താനാണ് പോലീസ് നീക്കം
